Un saúdo para o alumnado de 6ºEP do C.E.I.P. Os Muíños e para todos os que vos acheguedes a este blog.
Son o MAR, ese mar bravo que López Abente deixou inmortalizado nos seus poemas, o mar que proporciona alimento, o que une países, o que encerra lendas e historias de batallas navais, naufraxios...
Adéntrate comigo neste mundo e percorreremos xuntos 20.000 leguas de viaxe submariña guiados polo capitán Nemo a través da obra de Julio Verne, e tamén embarcaremos no galeón Praia de Quenxe co capitán John Pelo Crecho da man de Rivadulla "Corcón" e a súa obra "Os piratas da illa da Esperanza". Asegúroche que pasarás moi bos momentos.
